June 16, 2026: Ekta teen-din laga extensive aru elaborate thaka training session khan shuru hoishey, Census 2027 nimitey, Bhandari sub-division nimitey, itu EBRC conference hall, Bhandari, Wokha tey para, 16th June, 2026 tey.
Bhandari town, Baghty, Champang aru Bhandari area khan para Census officers, supervisors aru enumerators khan, itu respective charge officer khan para head kuri kena, itu training nimitey enrol kurishey.
Itu Program tey kotha kuri kena, ADC & Bhandari Town Charge Officer, Longasen Lotha, NCS para itu official khan ke urge kurishey, kun khan training loi asey, itu national census exercise khan tey participate kuriboley karney, honour aru privilege laga sense logotey, itu nation laga progressive step laga part thakiboley, digital future phaney aru itu responsibility toh sincere para kuri jaboley.
Nyanthung N.Rangthang, GT, GHSS, Binod Pariyar GT, GHSS Bhandari, aru Lichanbemo N.Odyuo GT, GHSS Bhandari toh hoiley itu field trainer khan thakishey. Tai khan para inform kurishey ki, itu homoi tey, July 1st para 16th tak laga, House Listing exercise toh hoiley ekta complete list banaboley karney conduct kurishey, sob household khan laga, physical structure khan logotey, ensure kuriboley ki, kun bhi parivar khan toh pichey nachariboley.
