June 16, 2026: Ekta consultative meeting loishey, Census 2027 opor tey, itu DPDB Conference Hall, Kohima tey, June 15, 2026 tey, awareness create kuriboley aru stakeholder khan paa cooperation bisariboley, itu census activity khan shuru nahoa agetey para, itu district tey.
Itu consultation toh hoiley, duita alag alag session khan tey conduct kuria laga thakishey. Itu first session toh hoiley, KMC councillor khan aru chairmen khan para attend kuria laga thakishey, ward aru colony khan laga, Kohima Municipal area laga.
Itu second session tey itu Angami Public Organisation, Angami Women Organisation, Angami Youth Organisation aru Angami Students’ Union para attend kuria laga thakishey.
Deputy Commissioner aru Principal Census Officer, Kohima, B. Henok. Buchem, NCS para highlight kurishey ki, Census 2027 toh hoiley, itu country laga first pura-puri digital aru kagos nachulawa laga census thakiboley asey.
Itu DC para inform kurishey ki, 637 trained filed functionary khan toh hoiley house listing operation khan undertake kuriboley asey, Kohima district bhitor tey, July 1st para July 30th tak nimitey.
