June 16, 2026: Deputy Commissioner Kohima, B. Henok Buchem, NCS para itu Angami Public Organisation (APO) laga President – Thejao Vihienuo aru itu Kohima Municipal Council (KMC) laga Chairperson – Neibodzelie Solo para ekta joint press conference address kurishey, itu forthcoming Census operation khan opor tey, itu DPDB Hall, DC Office Complex, Kohima tey, June 15, 2026 tey.
Itu media ke address kuri kena, Kohima laga DC para inform kurishey ki, extensive consultation khan toh hoiley loishey alag alag stakeholder khan logotey, itu Angami Public Organisation, Angami Women Organisation, Angami Youth Organisation, Angami Students’ Union, Kohima Municipal Council laga councillor khan aru colony khan aru ward khan laga chairperson khan thaki kena. Tai para state kurishey, ki sob stakeholder khan toh hoiley ensure kuriboley resolve kurishey ki, Census guideline khan aru direction khan toh hoiley strict para implement kurishey, itu district bhitor tey.
Itu Census ke describe kuri kena, itu country laga sob para bishi important administrative exercise hisap thaki kena, itu Deputy Commissioner para highlight kurishey ki, itu ahi thaka Census oh hoiley India laga first pura-puri digital aru kagos nachulawa laga Census hoboley asey.
