New Delhi, 24 April : Upcoming ZEE5 docu-series Lawrence of Punjab, juntu gangster Lawrence Bishnoi laga rise uporte base kora ase, etia itu maas release nohobo.
Report hisab te, Ministry of Information and Broadcasting ZEE5 ke advise dise release nokoribo karone, karon Punjab Police concern uthai dise ki etu public order karone risk hoi jabo pare. Series tu April 27 te release hobo.
Itu decision ahise ek din pichete, kitia Amrinder Singh Raja Warring, Punjab Congress chief, Punjab and Haryana High Court te case file korisey. Tai koi dise ki show tu gangster culture glorify kore aru youth karone bisi biya message dibo pare.
Court hearing time te, Satya Pal Jain aru Dheeraj Jain (Centre represent kori) ministry laga communication bench agey te rakhi dise.
Series laga title tu Lawrence of Arabia para inspire kori ase. Story te Lawrence Bishnoi laga journey dikhabo, juntu Bollywood superstar Salman Khan logot blackbuck poaching case (90s) karone threat diya pora national spotlight te ahise.
Makers age koi dise ki show tu ekta criminal identity kemne build hoise —culture, student politics, media aru ideology laga through—itu explore koribo.
Add Comment