New Delhi, 23 April : Michael, juntu Michael Jackson laga biopic ase, Friday te theatres te release hobo. Film te main role te ase tai laga nephew Jaafar Jackson. Early negative review thaka pichete bhi, film laga box office prospect strong ase kuina dekhaise. Trade analyst khan optimistic ase aru strong global opening expect kori ase.
Report hisab te, Michael North America te opening weekend te $65-70 million kamai koribo pare. Deadline aru Variety duita bhi same estimate dise. Itu musical biopic karone notun record hobo pare. Compare korile, Bohemian Rhapsody $51 million logot open korisey, aru Straight Outta Compton $62 million logot start korise—duita ke bhi surpass koribo pare.
Overseas te, kitia Lionsgate distribution rights Universal Pictures ke sell korise, film tu aro bisi kamai koribo expect ase. Worldwide opening $140-150 million hobo pare, juntu bhi ekta record hobo pare. Etia Bohemian Rhapsody $121 million logot top te ase. Elvis Presley laga Elvis aru Bob Dylan based The Complete Unknown $100 million cross koribo parenai.
Etu time te bhi Bohemian Rhapsody (starring Rami Malek) highest-grossing musical biopic ase $910 million lifetime collection logot. Insider khan predict kori ase ki Michael itu record bhi break koribo pare aru $1 billion run karone bhi jabo pare. Kintu negative review ekta challenge ase—Rotten Tomatoes te film laga rating matro 36% ase. Toh bhi advance booking strong ase, juntu critics review ke contradict kori ase.
Film tu direct korisey Antoine Fuqua aru likhise John Logan. Cast te Nia Long, Laura Harrier, Miles Teller aru Colman Domingo ase.
Story te Michael Jackson laga journey Gary, Indiana pora global superstar hobo porjonto dikhai—Jackson 5 logot early days, Off the Wall aru Thriller logot tai laga superstardom. Film tu April 24 te release hobo.
Add Comment