NEW DELHI, OCTOBER 13 : Chief Justice of India Ranjan Gogoi pora sob Chief Justices aro Senior Judges kan High Court laga logot ki-ki chamala kan nemite (cases) saidebole nakurikena thaka kan sob ke bhal te saidebole kuribi koi kena, khobor te pora janaise.
Khobor porabi Video Conference pora kotha kura time te etu Chief Justice Of India Ranjan Gogoi pora jua habta kam kura din te (Working Days) Leave Travel Concession (LTC) toh lobole nakuribi koi kena janaise koise. Kele tai kan etu chamala kan nemite saidebole nakurikena thaka saidebole karne.
National Judicial Data Grid hisabte 4.3 Million chamala kan nasaide kena 42 High Court te ase. Aro Supreme Court laga Official Website te tai kan Supreme Court te besi koilebi 55,946 chamala kan nasaide kena ase koise.
Etu karne Ranjan Gogoi toh 46th CJI nemite October 3 te nahuikena thaka time te hi tai etu chamala kan nasaide kena thaka kan nemite tai saidebole bhal babuna (plan) ase koi kena janaide thakise koise. Eneka huikena Saturday din te khobor hisabte etu Ranjan Gogoi pora chamala kan nasaide kena thaka sob nemite saidebole kuribi koi kena kotha ula huise koise.
Add Comment