VISAKHAPATNAM, OCTOBER 13 : Jua-jua TDP Leaders kobi MLA kebi melai kena muraidiya maiki Maoist ke Security Forces pora puntuk marikena muraidese. Etubi Andrapali jungle, Friday te larai kura time te koi kena, Police pora janaise.
Etu larai hua toh kedia Security Forces kan etu maoist kan nemite ki-ki besara-besari kurikena thaka time te thik lok kurikena larai hua laga ase. Aro etu larai kuri thaka time te bi Andhra-Odhisha Border jaka osor phale etu 4 jun Maoist thurise. Etu ke 3 jun toh maiki ase koise.
Police pora koa hisabte etu mura maiki Maoist toh N Meena koi kena 40 sal dangor ase. Aro etu maiki toh Maoist leader Gajarla Ravi kobi Uday aro Anand koi kena mata laga maiki ase. Aro tai toh Pochannapeta jaka, Warangal District, Telangana lag ate thaka maiki ase koi kena janaise.
Maoist bithormanu thura kan toh Jayanthi kobi Anjana, Radhika Golluri, Sumala kobi Geetha aro Rajasekhar Karma kan ase koise.
Add Comment