Paris, Dec 12, 2018 : Tuesday rati te khila Champions League match te. Liverpool pora Napoli ke 1-0 jitese. Mohamed Salah laga first-half goal aro goalkeeper Alisson laga ektum phal save kora nemeti Liverpool konorokom jitese. Ito jita karoni tai khan last 16 te jaise. Salah pora 34 minute te Napoli laga defender Kalidou Koulibaly te ektum phal pora kati kena ito goal marise. Goal keeper David Ospina pora bhi eko koribole para nai. Last minute hoa time te Mane pora kulti korina ball Napoli laga substitute striker Arkadiusz Milik te ball paise hoilebi Goal keeper Alisson smart hoa pora ito goal pajaitise.
Group B laga match te Barcelona aro Totenham khilate Lucas Moura pora 85th minute te equalize korikena 1-1 draw hoishey. Ito result pijete Group B pora Spurs aro Barcelona round 16 te jaise. Spurs aro Inter Milan taitoijon second spot te joji thakise. Ulag match te Inter Milan pora PSV logote te score korise ito nemete Totenham bhi Barca logote score koribole lage koi kena olai jaise. Hoilebi ektum last hour te Lucas Moura pora Spurs nimete goal marisey aro tai khan qualify hoishey. PSV aro Inter Milan 1-1 draw hoishey. Aro Inter Milan laga mon phangaitise.
Paris Saint-Germain bhi Red Star Belgrade logote 4-1 jitekena group winner hoikena qualify hoishey. Neymar, Kylian Mbappe aro Edinson Cavani sob bhi score korishey.
Borussia Dortmund snatched pora Group A top korishey. Monaco logote 2-0 win jitikena. Aro Atletico Madrid taitoijon qualify hoishey.
Add Comment