Cristiano Ronaldo pora Messi ke “Kibah Notun” try koribole “Challenges” korise

TURIN, ITALY: Cristiano Ronaldo pora Monday din ke Messi ke kibah notun try koribole koishey. Cristiano Ronaldo aro Messi taitoijon bi olop din agote Ballon d’Or award jitanai. Ito award toh Croatia laga Luka Modric pora jitese. Ronaldo pora ito nemete Modric te congratulate korise. Ito time tey tai Lionel Messi kebi tai nisna kiba notun Football tey try koribole koitisey. Cristiano Ronaldo aro Lionel Messi majot laga 10 years opor laga football rivalry toh amikhan sob te ektum football tey interest koridishey. Italy laga press khan ke koa toh, “ moi nisna Messi bi ek din toh Italy te Khilibole ahibo dibi phapana ase. Hoilebi tai Spain te khila hi khusi pai koileto eko nahoi. Moi toh England, Spain aro itia toh Italy te khili ase, ito nisena tai bhi notun challenges accept koribole parise koile pise phal hobo”.  Press khan pora tai Messi ke miss kori na nakori hota time te tai pora inaka koishey. “moi toh nmoi laga comfort zone charikena notun jaga te moi laga skll try koribole mon jaa pora itia Italy te aha ase”. Moi hisab te toh tai pora hi moi ke lagi olta moi pora tai nahoikena. Moi karoni toh life toh challenge ase aro manu khan ke khusi koritibole mon jai. Aro moi ito toh par par prove korikena ahise. Ronaldo toh tai itia Turin te pise khusi pora ase aro aha sal laga Ballon d’Or toh tai pora hio lobole ase koikena Modric kebi challenges korishey. Moi toh ito sal Ballon d’Or jitebo nemete moilaga best pitch te dekhaitise hoilebi jitanai. Ito karoni mon te pekhai, holebi Life toh agi hi jaithakibo, eko nahoi. Congratulation Modric ke ti ase ito sal jita nimete, hoilebi next year arobi log papo koi kena koishey. Ronaldo toh ito sal Real Madrid pora 100 million euros nemete Juventus ke jaise. Aro tai itia tak Juventus karoni 11 goals marikena ase.