Agencies: Manchester United caretaker manager Ole Gunner Solskjaer para manishe ke tai laga side toh etiya bhi bishi bhal hubole lagi ase. United toh PSG laga khilaf 2-0 para harishe. Etu toh PSG aro United majote Champions League laga last 16 laga 1st leg match thakishe. Jokom huwa nimite PSG laga sob para expensive player Neymar aro Edison Cavani toh match nimite present thaka nai.
Etu toh Solskjaer laga first har (defeat) ase. Solskjaer toh December te Manchester United laga interim manager huwa pichete dosta matches jeetishe aro ekta match draw hoishe. United toh Champions League last 16 laag 2nd round nimite March 6 te PSG khilaf te aro khelibole ase.
English giants toh teen hafta bhitor te ahibole thaka match te Pogba nathaki kena PSG khilaf te khelibole lagi ase. Pogba toh Paris Saint Germain (PSG) laga khilaf te khela samay te doubole yellow card pai kena match para bahar hoi jaishe.
Solskjaer koishe agi ami khan toh etu laga level te nai. Hoile bhi etu toh ami khan kun logote khelishe etu para level up ase. Ami khan toh ekdam bhal para kheli kena ahishe, ami khan toh ekdam bhal bhabana, form para ahishe hoile bhi etu toh ami khan nimite dangor step up ase.
Add Comment