Agencies: Australia laga left-handed batsman David Warner kun etiya ek-saal laga ban te ase. Tuesday 22nd January 2019 te elbow te jokom huwa nimite minor surgery lubole ase.
Etu ghatna toh etiya chuli thaka Bangladesh Premier League te hoishe. Etu ghatna huwa logote he david Warner toh wapas Australia te wapas etu laga treatment kuribole jai jaishe.
Warner laga maiden BPL tourney toh unfortunate rasta para khotom hoile bhi. Hoile bhi tai laga jokom para David ke dikdar toh nadibo kile koile David etu nimite minor surgery hoi lubole asse. Cricbuzz laga khobor hesab te Australia laga batsman toh kali Melbourne te assess kuribole ase. aro etu laga aki din te he surgery bhi kuri lubole ase.
Surgery pichete Warner toh ek hafta nimite flexible strap lagabo aro pura tagot para wapas training kuribole aro 21 din lagibo. Etu hesab te David toh pura char hafta aram kuribo.
Dheka hesab te Warner laga jokom toh Steve Smith jenika toh nohoi. Kun choi hafta nimite eku action nokuribo. Aro tai toh IPL laga early stage bhi miss kuribo genika ase.
David Warner toh tai nijor ke jokom kurishe ketiya tai chuli thaka BPL te 61 runs score kuribole kosis kora samay te hoishe. Etu toh BPL laga Sylhet Sixers aro Rangpur Riders majote match huwa samay te hoishe.
Add Comment