Luka Modric para tie huna thaka bodli kurishe aro Karim Benzema para score kurishe Real Madrid karneh, aro tai khan bhal khela Chelsea lokot Tuesday din teh khelishe aro Champions League quarter final 5-4 teh jetibo parishe.
Chelsea khan Madrid laka 3-1 lead hatai dishe first leg para bhal khelina Santiago Bernabeu teh arp Mason Mount, Antonio Rudiger aro Timo Werner para Europe laka reigning champion khe bhui khelai dishe haraina.
Etu opor 36 saal Modric para bhal goal dhalina tai laka career bhal kuribo parishe. Tai outside para bhal marina Rodrygo khe polabo dina bhal contest dikhaishe extra time teh.
Benzema para hat-trick Stamford Bridge teh mareh piche, tai ageh ahina jetibo parishe.
Final whistle mareh piche, Modric aro benzema mati teh gerina tai jun milehna 70 saal khela Real Madrid khe luinah 14 European Cup jetiboleh luijai ase.
Tai khan Manchester City nohoileh Atletico Madrid lokot khelibo last four teh.
Brentford laka haat hareh piche aro Madrid khan tai khan para bhal kheleh piche joa haptah first leg teh, Chelsea khan wapas bhal khelina uthishe Premier League joa haptah teh.
Thomas Tuchel Monday din teh kuishe tai khan “fantastic script” lagibo etu comeback lekhiboleh, tai khan laka galti toh Modric aro Benzema khe rukhabo napara ekla ase kileh maneh taijun poilah para enika khelina aheh ase.
Mount laka goal 15 minute teh dhaleh piche Mardid khan tension hoa shuru huishe aro Chelsea khan aram huina khela shuru kurishe.
20 minutes karneh Chelsea khan bhal kheli thakishe, aro Madrid khan bi wapas takot huina ahishe. Aro Reece James bhal kaam kuri thakishe Vinicius Junior laka rastah bon kurina Madrid laka pola rasta rukhaishe.
Extra time hoa piche Madrid khan rastah paishe aro Vinivius jaka paishe biotor jaboleh. Tai laka cross toh Rudiger para clear kuriboleh para thakishe hoilehbi defender gerina Benzema khe jaka paboleh dishe aro heading para goal dhalibo parishe.
Add Comment