KABUL:
Officials koishe ke Friday te Kabul te gari bomber para US military convoy opor te hamla kurishe. Etu ghatna te charta Afghans murishe aro charta US troops khan olop jokom hoishe.
Interior ministry spokesman Nasrat Rahimi hesab te bomb phuta laga zimadari toh Taliban khan para loishe. Blast toh 8:40 am (0410 GMT) nisina te hoishe. Bomb rakhi kena thaka gari toh eastern Kabul te jai thaka convoy te marishe.
Rahimi koishe hamla te apsos charta Afghan manu murishe aro dusra teenta toh jokom hoishe. Bomb phuta samay te aha-jaa kura manu khan bhi thakishe.
A spokesman for Resolute Support laga spokesman, Afghanistan te US-led NATO mission koishe charta US service members khan toh etu ghatna nimite olop jokom lok paishe.
Taliban spokesman Zabihullah Mujahid koishe etu hamla laga pichete insurgent group thakishe. Tai khan para claim kurishe ke tai khan para invading forces laga dosta (10) officers aro soldiers ke morai dishe.
Add Comment