Agencies: Chelsea club para tai khan laga goalkeeper Kepa Arrizabalaga ke hafta laga thanka (salary) loi kena fine terabole dishe. Goalkeeper Kepa toh Sunday din te huwa League Cup final te substitute kuribole mana kurishe. Aro tai laga manager Maurizio Sarri laga kotha bhi hunibole mana kurishe. Chelsea laga website te Kepa koishe dekha hesab te misunderstanding thakilebi, moi para situation toh bishi biya aro golti para handle kurishe. Chelsea laga website te Kepa ke fine kura laga bhi undate kuri kena ase.
Sarri koishe Kepa para taike, tai laga team-mates aro tai laga club sob ke maaf mangishe.
“It is up to the club if they want to discipline him according to the club rules, but for me this matter is now closed.”
Sarri koishe etu situation toh pura misunderstanding para suru hoishe. Kepa toh substitute kuribole mana kura opor te club manager Sarri toh kepa opor te bishi biya pai kena dekhaishe.
Sarri koishe jua kali Kepa aro ami khan majote bishi dangor misunderstanding hoishe. Hoile bhi Kepa para realize kurishe ke tai react kura toh bishi golti thakishe.
Sarri koishe dekha hesab te team performance toh ekdam positive thakishe aro etu toh bishi sorom laga kotha ase ke ami khan laga effort toh etu hadsa nimite bon kuri rakhi dishe. League Cup laga final match toh ekdam competitive match thakishe.
Kepa ke club para record 71 million pounds ($93 million) para Athletic Bilbao para sign kurishe
Premier League te Sarri aro tai laga team toh third-placed London rivals Tottenham Hotspur khilaf te Wednesday din te khelibole ase. Tottenham Hotspur aro Chelsea toh Stamford Bridge te khelibole ase.
Add Comment