Agencies: Monday din te I-League game East Bengal aro Real Kashmir majote hubole thaka match toh Srinagar para New Delhi te shift kuri dishe. Etu shift kura laga karan toh Pulwama attanki hamla nimite hoishe All India Football Federation (AIFF) committee para Minerva Punjab FC para tai khan laga I-League laga match boycott kura laga karan toh Pulwama attanki hamla nimite ase koishe. Etu match toh Srinagar te hubole thakishe. Real Kashmir laga match toh Srinagar te February 28 te hubole thakishe. Match laga jaga toh bodoli kuri dishe hoile bhi match laga din toh bodoli kura nai.
All India Football Federation (AIFF) statement te koishe RKFC para lekhi kena khobor kurishe ke etiya Article 35A nimite Jammu aro Kashmir te uncertainty hoi thaka nimite. RKFC koishe tai khan laga ahi thaka Quess East Bengal khilaf te hubole thaka Hero I-League match toh kunba neutral jaga New Delhi genika ke shift kuri dibole koishe. Real Kashmir FC aro West Bengal khilaf te hubole thaka match toh February 28, 2019 te hubole ase.
Article 35A para state te thaka permanent residents khan ke khas (special) rights aro privileges de ase. Aro etu nimite etiya ekdam biya political debate chuli ase. East Bengal toh tai khan match valley te hubole thaka khilaf te bar-bar kotha kuri thakishe.
Add Comment