SHANGHAI: Sources koishe ke jua hafta China laga Chemical plant te visphot (blast) huwa nimite China para desh pura te ek moina lamba sur4aksa laga chanbin kuribole koishe. Etu toh biya chemical nohoile bhi mines jaga te, aha-ja kura jaga khan te aro jui laga suraksa nimite chanbin kuribole koishe. Jua hafta huwa ghatna te 78 manu khan murishe.
State media koishe ke ek hafta te agay te visphot huwajaga toh bishi bar poila bhi suraksa niyam toh biya kuri ahi ase aro tai khan toh etu nimite bishi bar saaza bhi paishe. Etu ghatna toh Tianjiayi Chemical Co. khan laga plant te hoishe. Tai khan toh tis (30) paa opor organic chemical compounds bani thakishe.
Local government koishe ke Monday din te visphot (blast) huwa jaga khan te bachabole laga kaam toh officially pura hoishe. Etu visphot (blast) te 164 manu khan affect hoishe aro 86 manu khan bachishe.
Add Comment