BANGKOK: Khobor hesab te Thailand jaga te Facebook te missa khobor post kura nimite nouta manu khan ke dhurishe. Khobor te elections officers khan ke kaam para olai dishe laga kotha aro missa laga ballots laga khobor post kura nimite tai khan ke dhurishe.
Junta-ruled Thailand toh Sunday din te tai khan laga sob para poila vote 2014 pichete halishe. Military para saath diya party para tai khan laga mukhya (main) dusman duijon bhi govern kuribole laga adhikar toh tai khan laga ase koi ase.
Pura official results toh etiya tok bhi noulai kena ase.
Thursday din te Thai official koishe ke Facebook te missa laga khobor diya nimite nouta manu khan ke arrest kurishe. Etu missa khobor hesab te duita election commissioners ke kaam para olai dishe aro 600,000 thik nathaka ballots toh vote count te melai dekena ase.
Computer Crime Suppression Division Police laga spokesman Siriwat Deephor para koishe ke Wednesday din te etu nouta manu khan khilaf te draconian Computer Crimes Act nichete missa laga khkbor pass kura nimite jail dishe.
Tai para koishe ke etu nouta manu khan para koishe ke tai khan toh najani kena thakishe ke etu toh missa laga khobor thakishe.
Add Comment