ALMATY: Thursday din te defence ministry koishe ke Kazakhstan te military helicopter crash hoishe. Etu ghatna te sob tera (13) servicemen murishe.
Ministry tai khan laga statement te koishe Russian-made Mi-8 aircraft crash toh Wednesday din te hoishe.
Tai khan koishe ke servicemen khan tai khan laga military duty toh kuri thaka samay te muri jaishe.
Kazakhstan laga notun president Kassym-Jomart Tokayev para tweet kuri kena koishe ke etu crash toh ke nimite hoishe etu opor te puchtach kuribole koishe.
Etu Soviet-era workhorse toh sob para poila bar toh 1960s te banaishe. Mi-8 helicopter toh passengers aro supplies khan ekdam manu pungchibole napara jaga khan te transport kuribole modot kure.
Etu flight toh agi-kali huwa alak alak ghatna khan te bhi melikena ase. Jua saal August moina te Siberia te huwa crash te 18 manu khan murishe.
Thursday din te defence ministry koishe ke murija manu khan laga parivar khan toh compensation pabole ase koishe.
Add Comment