Agencies, 06 October: Saturday deh, Indian Super League laga match deh Chennaiyin FC aro Goa toh Jawaharlal Nehru Stadium deh khela thakise. Etu time deh Goa 3-1 score pora jeti loise. Goa nemide Edu Bedia (12), Ferran Corominas (53) aro Mourtada (80) pora goal thala thakise. Chennaiyin FC phalli pora ekta goal toh last extra minute de thala thakise. Etu toh Eli Sabia pora 90+5 minute de thala thakise. Etu agae deh, Goa toh NorthEast United logode opening match khela thakise. Etu time de tuita team be 2-2 pora draw howah thakise. Aro Chennaiyin FC toh opening match Bangaluru FC logode khela 1-0 pora harise. Indian Super League laga table deh Kerala Blasters top de ase aro Goa aro Chennaiyin toh 5th aro 9th jaga deh ase. Goa toh next Mumbai City logode khelibole ase aro Chennaiyin FC toh NorthEast United logode khelibole ase.
April 25, 2026
World's First and Only Nagamese Newspaper
Add Comment