Premier League 2018

Agencies, 06 October: Saturday deh Brighton aro West Ham toh Falmer Stadium deh khela thakise. Etu time deh Brighton 1-0 score pora jeti lowah thakise. Premier league table deh Brighton 12^th jaga de ase aro West Ham toh 15^th jaga de ase. Brighton laga khelari Glenn Murray pora 25^th minute deh goal thala karni khel jetibole parise. Vrighton toh next Newcastle logode khelibole ase aro West Ham toh Tottenham logode khelibole ase. Saturday deh, tusra match Burnley FC aro Huddersfield khela de 1-1 draw howah thakise. Etu time deh Burnley FC nemide Same Vokes pora 20 minute de goal thala thakise. Aro Huddersfield nemide Christopher Schindler pora 66 minute de goal thala thakise. Saturday tusara match deh, Crystal Palace aro Wolves khela thakise. Etu time de Wolves laga khelari Matt Doherty pora 56 minute de goal thala thakise. Saturday tusara match deh Watford aro Bournemouth khela thakise. Etu time deh Bournemouth 4-0 pora jeti lowah thakise. Bournemouth nemide David Brooks (14), Joshua King (33P, 45) aro Callum Wilson 947) pora goal thala thakise. Saturday tusara match deh Leicester City aro Everton khela deh Everton 2-1 pora jeti lowah thakise. Everton nemide Richarlison (7) aro Gylfi Sigurosson (77) pora goal thala thakise. Aro Leicester City nemide Richardo Domingos Barbosa Pereira (40) pora thala thakise. Leicester City laga khelari Wes Morgan toh 63 minute de red card powah thakise. Saturday tusara match deh, Tottenham aro Cardiff City khela thakise. Etu time de Tottenham 1-0 pora jeta thakise. Tottenham nemide Eric Dier pora 8 minute de goal thala thakise.