India pora U-19 Asia Cup title jetise

Agencies, 07 October: India pora Under-19 Asia Cup jetise. Tai khan Sri Lanka logode 144 runs pora final de haraideya thakise. India khan etu par jeta be melikena U19 continental tournament deh sixth par hoise title jeta. Jowah sal Afghanistan logode final de haradeya thakise. India aro Sri Lanka be nahari kena final tak pongja laga ase. Hoilebe India pora title toh lobule parise. India khan bad first juna deh, 50 overs deh 304/3 bonaideya thakise. Yashasvi Jaiswal toh ektum phal pora suru howah thakise. Hoilebe tai 100 bonabole na-pari kena 85 de out howah thakise. PrabhSimran Singh aro Ayush Badoni meli kena bat kora deh 110 runs run toh 55 balls deh bonaideya thakise. India pora 113 runs toh last 10 overs de bonaise aro last five overs deh 79 runs bona thakise. 305 target deh kethai thaga Sri Lanka khan joldi wicket lost howah thakise aro Islanders khan nemide ektum dekthari hoija thakise. Ketya Mohit Jangra pora captain Nipun Dananjaya deh out koridese, etu time de Lankans khan namija thakise. Harsh Tyagi toh 6/38 pora sobse phal wala bowling thakise. Final deh Yashasvi Jaiswal toh 113 balls deh 85 score bona karni Man of the series award powah thakise. Jokhom powah karni final de khelibole na-para Captain Pawan Shah pora team laga performance deh kushi kotha janaise. Tai laga team khan jeta karni tai ektum kushi pai ase koise. ACC pora tornament ola toh thek pora ola laga ase aro tai khan laga team jeta de ektum kushi paise koise.