China de Mahatma Gandhi’s 149th birth anniversary manaise

Agencies, 2 October: Tuesday din central Beijing laga Chaoyang Park de Indian Embassy pora Mahatma Gandhi laga 149th birth anniversary manaise. Etu time de besi jun manu khan jama howah thakise. Indian Embassy laga cultural team pora Gandhi’s nemide gana ga thakise aro Mahata Gandhi laga olob popular kotha khan Chinese school bacha khan pora kowah thakise. China laga park de China’s sculptor aro artist Yuan Xikun pora Gandhi laga statue toh 2005 de bona ase. Etu karni kun-kun Mahatma Gandhi ke kushi pai kena ase etu khan park de ahhi kena respect dekhidebo paribo. Gandhi laga ekala nahoi kena Yuan pora Rabindranath Tagore laga statue be bonai kena ase. Etu toh park osor museum jaga de ase. Statue de Indian Embassy Acquino Vimal laga Charge d’affaires khan pora decorate kora thakise. Tuesday din function time de besi Indian diplomat khan logode Charge d’affaires aro Indian expats be thakise. Vimal pora Gandhiji toh China de jaa nai. Hoilebe tai laga bhabuna aro philosophy de Chinese thinkers khan pora yaat korise aro kushi paise.