China ke notun tariffs koribo pari: US

Washington, 2 October: Monday din US President Donald Trump pora China laga import de extra notun USD 267 billion tariffs koribole bhoi khelaise. Aro Beijing khan business phal pora nakora tak deal na-koribo koi-kena janaise. China logode business war kora de saijai kena Trump pora reporters logode kowah toh, China khan US logode ektum beya pora kotha koribole mon ase. Hoilebe tai daiyar howah he nai koise.Trump pora janaideya hesab de, aji kali US khan China logode 25 percent interest kora de USD 250 billion ase aro tai khan USD 267 billion tak othaidebole bhabuna kori ase. China logode kotha koribole mon nahowah toh US logode besi sal dekthari deya pora ase. Aro tai khan kotha kori kena chamala toh kothom koridebole mon nai. Trump pora deal koribole politically force korise koile thek deal koribole naparibo aro etu toh ami khan laga kum aro desh nemide phal nahobo koise. Hoilebe China khan kotha koribole mon ase aro tai khan be kotha koribole mon ase koise. Trump pora US logode USD 375 billion business chamala ase koise. China pora United States logode extra USD 375 billion toh hotai sal loi-kena thakise koise. September 18 de, Trump pora China laga imports de extra notun tariffs USD 200 billion kora thakise. Etu pora business chamala toh otha ase. China khan business thek pora nakori thaga karni US pora June 15 de janideya toh, China laga imports USD 50 billion laga de tariffs 25 percent othaidebo kowah thakise.