December 19, 2023: China laka Gansu aro Qinghai province deh 6.2 magnitude laka kara earthquake aha tho kom seh kom 116 manu muri jai shae aro 400 nishi nah manu kan jokom kai shae, local earthquake relief headquarters para Tuesday din deh kui shae. China Earthquake Networks Centre laka isap deh. Etu earthquake tho Monday din 11:59pm nishi nah Gansu aro Qinghai province deh ahi shae.
State broadcaster CCTV laka isap deh Haidong city laka jaka deh 11 manu muri jai shae aro ekso manu jokom kai shae. Earthquake para ghor kan girai di shae aro manu kan keh rasta deh pola bole di shae safety karne, state news agency Xinhua para kui shae. Chinese President Xi Jinping para earthquake karne zaruri instructions kan issue kuri shae. Tai para full-sale search aro rescue efforts kan demand kuri shae. Aro manu kan laka life baja bo karne maximum koshish mangi shae. Premier Li Qiang para b instructions kan issue kuri shae.
Add Comment