December 19, 2023: Tuesday din ekta nutun UN vote aro fresh Western diplomatic koshish karne Israel kan aro global pressure kan face kuri shae Gaza deh ceasefire ani bo leh. Hoile b United States kan tho taikan laka sathi keh aro arms kan dib oleh kasam kuri shae. UN Security Council kan Tuesday din deh ceasefire ani bole call tho kuri bole ready taki shae, US kan agae laka bill tho veto kura piche deh. UK Foreign Minister David Cameron b French aro Italian leaders lokot mili bo taki shae ekta “sustainable ceasefire” karne jab oleh, taila office para kui shae.
Israeli strike kuto Southern Gaza deh laki shae, etu para kom seh kom 28 Palestinian manu keh murai di shae. Aro taikan laka troops kan para north deh taka ekta last function kura hospital b raid kuri lui shae Tuesday din deh. Eki din deh ekta Israeli strike, Jabalia refugee camp deh laki shae. Etu strike para kom seh kom tostha Palestinians kan keh murai di shae aro alak 40 manu keh jokom kuri di shae, ekta health ministry laka spokesperson para kui shae.
Mediatory kotha kan kuto Qatar aro Egypt para shuru kuri shae Israel aro Hamas majo deh, etu kotha tho ekta roadblock deh ruki jai shae Taijun b ekjun ekjun laka demand kan keh acha kubo leh mana kura tho kotha tho agae jabo para nai. Monday din Mossad chief, David Barnea tho CIA Director William Burns aro Qatari Prime Minster Sheikh Mohammed bin Abdulrahman Al Tahani lokot mili shae Warsaw deh. Taikan ekjun ekjun lokot mili nah kotha kuri nah b deal ekta b ban abo para nai.
Add Comment