August 4, 2023: China kan kunba foreigner kan keh visa on arrival dibo leh ase aro rural residency b dibo leh ase aram seh buhi vole. Etu measures kan tho China laka economy keh boost kuri bole ase.
Etu relaxation tho “manu, gari, information aro data kan aram seh aha ja kuri bole ase,” kuishae Ministry of Public Security laka official para Thursday din deh.
China laka post-Covid recovery tho jua mohina kan para takat hari jaishae. Etu hara tho consumption astae taka karne ase aro real estate b crisis deh taka karne ase.
Sal shuru hoi kina 2nd quarter deh puncha tho GDP growth tho khali 0.8 % he uthi shae aro youth unemployment b itia takt tho sobse highest deh ase, 20%. Etu hua karne Ministry para 26 nutun measures kan Thursday din deh announce kuri shae. Aro utu measures kan deh ekta tho foreign businesspeople karne nutun visa policy ekta taki shae.
Kun kan China deh trade negotiations, expos, conference nahoi leh invest kuri bole ahae tai kan necessary documents kan taki leh tho visas aha lokot dibo. Puila deh tho travellers kan Visa pavole Chinese embassy lokot kotha kuri bo lakeh.
Aro China kan taikan lah residential system b norom kuri bo kui shae. Taikan para manu kan kun country side deh buhi ase, utu manu kan kam kuri boleh pari leh tho city deh ahi nah buhi b kui nah encourage kuri shae.
Add Comment