Moscow, August 4, 2023: Friday din deh Russia defense ministry para Ukraine laka overnight hamla tho bia kuri dishae kuishae. Etu hamla tho Black Sea aro Crimean Peninsula laka Naval base deh huishae.
“Aji rati, Ukraine laka armed force kan tuita sea boats laka motot lui nah Russia Armed Force laka Novorossiysk naval base deh hamla kuri bole koshish kuri shae,” Ministry para telegram deh kuishae. Russia ships kan para naval drones tho bankai dishae kui shae.
Russia laka Black Sea fleet kan tho puila para he target kuri nah ase. Aro etu target tho Moscow laga military campaign shuru hua time deh bara he ase hoile b jua hapta para aro bishi hoi ase .
Tuesday din deh, Russia defense military para Ukraine laka drone attack kuto Black Sea deh taka patrol boast keh target kuri taki shae, utu hamla tho bia kuri dishae kui shae. Aro etu nishi nah hamla ekta jua hapta deh b bia kuri shae.
Friday din deh ministry para 13 dones girai dishae kuishae Cremean peninsula laka upor deh. Eku casualties aro saman banga laka report nai tuita hamla deh b, ministry para kui shae.
Add Comment