BEIJING (AFP)State media khobor kurishe jua Friday te Chinese authorities para 19 manu ke arrests kuribole order dishe. Etu arrests order toh jua saal duita cities te military veterans khan para protests organize kura nimite ase.
Official news agency Xinhua, prosecutors laga kotha cite kuri kena koishe etu 19 manu toh social order toh dikdar debole manu khan juma kurishe koishe. Etu protest toh jua October te Pingdu eastern cities te kurishe aro Zhenjiang te jua June te kurishe.
Etu samay te AFP ke dekha manu para koishe Zhenjiang rally toh bura former sipai para bhal pensions manga nimite tai ke marishe. Etu nimite protests toh organize kurishe.
Etu protests toh bhal lab pabo nimite duniya laga sob para dangor army laga former sipai khan laga lamba samay nimite dikdar pa laga dekhabole protests kurishe. Tai khan desh laga communist leadership para matha dhuk pa dekhaishe.
China laga authorities khan toh manu khan laga awas opor te toh bishi kom bardast kuribole pare. Hoile bhi People’s Liberation Army aro tai laga purana sipai khan toh heroes ase. Aro police na aha tok Zhenjiang city te protests olop din tok hoi thakishe.
Xinhua koishe Zhenjiang protest laga nouta suspected organizers khan para city government bahar te ek hazear genika manu ke illegally juma kurishe. Aro tai khan toh police aro staff guard khan logote bishi biya jhagara hoishe koishe.
Pingdu te dosta manu khan para veteran protests toh organize kurishe koishe. Xinhua koishe protestors khan para police opor te hamla kurishe, gari biya kuri dishe aro government operations biya kuri dishe.
Officials khan khilaf te bishi hazar army veterans khan olop saal bhitor te bishi protests kurishe. Etu toh army veterans khan ke lab dibole officials khan para mana kura nimite ase.
2016 te China laga Defence Ministry para kosom dishe ke veterans khan laga thakibole laga standard toh uthai dibo. Etu kotha toh Beijing army offices bahar te bishi hazar veterans khan juma huwa pichete koishe.
Add Comment