Agencies: Palestinian media khobor hesab te bishi hazar Palestinians khan March of Return protests te hissa hoishe. Zionist forces khan protestors opor te tear gas phalaishe.
Etu huwa samay te Palestinian Maan News Agency para Palestine Health Ministry Spokesman Ashraf Al-Qidra laga kotha quote kuri kena koishe Israeli forces khan para duita Palestinian jawaan khan ke West Bank te guli mari kena morai dishe.
Etu sob para dangor ‘March of Return’ rallies toh May 15 te tai laga sob para dangor samay te pungchishe. Etu toh Palestinians khan para Nakba koi nohoile bhi Catastrophe koi. Etu toh 750,000 Palestinians khan joborjos Israel laga establishment nimite 1948 te tai khan laga ghor aro tai khan laga bosti para olai diya opor te ase.
Mass Friday protests toh etu samay pichete para chuli kena ahi ase.
Gaza laga health officials laga khobor hesab te etu protests toh March 30 te para suru huwa pichete Israeli forces para komti hoile bhi 259 Palestinians ke murai dishe. Aro 26,000 genika manu khan ke jokom kuri dishe.
January 22 te Israeli regime para northern Gaza te akas hamla suru kuribole declare kurishe. Etu toh Zionist forces opor te hamla kura laga jawab diya ase koishe. Aro Zionist forces para mana kora forces Izz ad-Din al-Qassam Brigades khan logote meli kena thaka khan ke muraishe aro dusra duita ke jokom kurishe . Etu toh eastern Bureji te hamla kura nimite hoishe.
Add Comment