Nanchang, China, 18 December : China laga notorious mahila serial killer Lao Rongzhi ke death penalty para execute kurishey Monday dey Nanchang, East China laga Jiangxi Province dey, Global Times report kurishey. Jiangxi High People laga Court para ekta statement post kuria dey kuishey, taikhan itu execution Monday subha dey khotom kurishey Supreme Court laga approval paa piche dey. Itu statement, 49-saal mahila ke tai laga khantan ke log pawoley haq dishey, execution nakuria agey dey, China Daily report kurishey.
Notably, Lao Rongzhi toh 20 saal karney pulai thakishey crimes laga series kunwa dey milaina thakia piche dey, robbery, extortion, aro seven manu laga brutal hatya dey milaina, 1996 aro 1999 maju dey.
Taoke Xiamen, Fujian Province dey police para dhuri luishey, November 28, 2019 dey. Jiangxi Provincial High People laga Court jaa saal, tai laga death sentence uphold kurishey tai laga appeal hunia piche dey. Itu trial thakia homoi, tai kuishey, itu crime dey tai milaina thakia toh kidnapping aro robbery dey khotom huishey, aro tai laga ex-boyfriend ke podnam dishey, kun ke 1999 execute kurishey, itu hatya khan karoney, South China Morning Post report kurishey.
Court para kuishey ki, Lao para tai laga ex-boyfriend, Fa Ziying logot plan kurishey, 7 jun manu ke kidnap, rob, aro hatya kuriboley four alag sheher khan dey, Nanchang, Wenzhou, Changzhou, aro Hefei milaina. 1996 laga ekta case dey, taijun lara ekta couple aro taikhan laga three-saal bacha ke murai disheh taikhan laga ghor chori nakuria agey dey.
Court para Lao aro tai lawyer laga claims bhi reject kurishey ki, tai itu crimes dey khali chutu roles ekela thakishey aro khali tai laga mota ke assist kurishey.
Itu trial thakia time dey, tai para itu victims laga khantan khan ke suku paani girina maafi mangishey aro compensation dishey.
November 2019 dey, taike Xiamen dey ekta shopping centre dey dhuri luisheu, kutey tai watch khan pikai thakishey. Taike intentional homicide, robbery, aro kidnapping laga crimes dey charge kurishey August 2020 dey. Tai laga political haq bhi revoke kurishey, aro tai laga sob saman seize kuri luishey, tai criminal activities laga kunwa range dey milaina thakia karoney.
Add Comment