Beijing: August 11, 2020. China te Authorities khan para novel coronavirus tuh seafood packing kurikena thaka te paishe, etu port city of Dalian para aha ase, olop din ake te etu chaka te bemari cases besi thakishe, koikena Tuesday din government para koishe. Virus tuh seafood ice hoikena thaka bahar laga packing te paishe. Eastern Shandong province laga Yantai para tinta(3) companies khan para ana ase koishe. Yantai laga city government para statement te koishe ke, seafood tuh paani-jahas para anikena Dalian te ahishe, hoilebi kuan chaka para olaishe etu khobor tuh janai deya nai. July moina te, Dalian laga customs officers para Liaoning northeastern province te coronavirus tuh shrimps packing te Ecuador para ana te paishe. Etu beche China para Ecuadorean shrimp producers khan ke saman aniboli rokai thishe. Jaa saal China laga city Wuhan te coronavirus bemari tuh seafood aro jungle janwar bazaar te bekiri kora para olaishe koikena besas ase. Etu beche, virus tuh Duniyaa sob te spread kurikena jaishe, aro China te konuba manuh para bemar tuh aro wabaz anishe. Authorities khan para saman tuh otai loishe koikena city government para koishe. Kuan manuh khan para saman tuh juishe tai khan quarantine te rakina coronavirus tuh negative test paishe.
Dalian city te latest coronavirus bemari tuh July moina te thurishe aro first case tuh seafood laga company te kam kura manuh logot paishe. August 9 darik dak te Dalian te bemari cases tuh 92 paishe koishe.
Add Comment