New Zealand te 102 din beche 1st Covid Cases paishe

Wellington: August 11, 2020. Tuesday din, New Zealand te 100 din oper thakina coronavirus bemari thurishe koikena junai thishe aro desh laga sobse tangor city te ghor te bohiboli lockdown hokom be thishe. New Zealand tuh desh phur khan para bemar tuh rokabo parai nemite nam otha beche Prime Minister Jacinda Ardern para koishe ke, Auckland chaka te nejanai rasta para ekta ghor manuh pithor te charta(4) cases tuhrishe. “102 din thaka beche, moi khan boila COVID-19 cases tuh isolation aro quarantine chaka bahar te paishe. Ami khan sob melaikena etu bemari ke hatabole kam kuribo lage” koikena tai para desh logot televised te khobor junai thishe. “ami khan para etu kam tuh kuriboli ase”. Tuesday din nahowa dak te, World Health Organization para New Zealand laga example loikena dosura desh khan logot “community transmission tuh hatabole pareh-she” koikena janai thishe. New Zealand te 22 million population pithor te kali 22 manuh morikena ase aro May 1 darik para ekta community transmission be nahoikena ase. etu nemite, New Zealanders khan tuh boila din neshna social distancing nathakina ase aro sports aro cultural thaka samay manuh khan jaikena saboli pareh ase. Hoilebi, authorities para warn thishe ke, manuh khan ke hesab kurikena thakibole, keli koile tui(2) par wala bemari tuh ahiboli pareh” koishe. Auckland te aro komti hoilebi tin(3) din bondh kuriboli ase, etu Wednesday din para soruh kurikena social distancing aro restrictions tuh desh sob te aro thakiboli ase koishe.