Beijing, China: Tuesday te Local government para janaishe ke 18 firefighters aro 1 forest guide tu thangor jui bondh kora samay te morishe koishe.
State television footage para teka hisaab te Sichuan province, Xichaity city te mountain para thangor jui otha thakishe aru akaas laga colour tu orange hoishe. Jui laga thonga tu building aro rasta oper otheshe, etu jaka te 700,000 manuh ase.
Monday te 3:00 pm (0700 GMT) samay te jui tu Xichang laga southwestern provice’s mountainous Liangshan para suruh hoishe, etu khobor tu city government Weibo para Tuesday bochur te janaiteshe.
Local officials kuwa tu komti hoilebe 140 fire engines, 4 helicopters aro 900 firefighters khan para jui tu bondh korishe. Sob milaikena 2000 emergency manuh khan thakishe etu jui logot larai korishe aro 1,200 local manuh etu jaka para hataishe.
Helicopters tu Tuesday bhujur dak thakishe.
Xinhua state news agency para kuwa tu etu jaka te boila be jui olai thake.
Juwa sal April 27 Muli etu jaka te he 27 firefighters khan thangor jui te morishe koishe aro etu samey te 700 firefighters jaka te thakishe.
Add Comment