WASHINGTON:Monday den te US President Donald Trump kuwa tu social distancing guidelines tu kara kurikena China aro Europe logot travel restrictions thakibo. Tai Americans manu khan ke motob kuribole koise etu coronavirus fight kuribo nemite April moina para suruh hobole koishe.
White House te Trump para reporters ke kuwa tu 1 million Americans khan coronavirus test korishe , tai koishe etu thangor kam thakeshe. Trump he Sunday te janaishe ke manuh khan 10 jun oper jamma nakuribole aro restaurants, bars te kaa lowa nahoboli aya moina dak bondh kuribo, virus tu spread nahobo nemite koishe.
Trump para reporters ke kuwa tu “ etu hokom tu etai thaka neshina hobo aro juti lakale etu para be kara kuribo”. Trump tu etu bemar nemite dhuk howa para manuh khan ke hokom tu manibole koishe. “ ama khan sob milaikena etu war tu jeteboli lakai, sob manuh, ghor manuh aro business manuh khan para milaikena etu bemar tu rukhabo lagai. Etu ama khan laga kam ase” Trump para koishe.
White House coronavirus task force coordinator Deborah Birx para koishe ke Trump laga kotha tu kam laga ase kelai koile sob states be eke risk te ase.
Anthony Fauci, National Institute of Allergy aro Infectious Diseases para koishe coronavirus bemar tu beishe hoiase hoilebe tai koishe desh para etu bemar nemite phal plan kori ase.
Trump kuwa tu Government para former Food aro Drugs Commissioner Scott Gottlieb logot suggestion loikena sob Americans khan bahar ola samay te manuh osor te mask lakabole koishe, virus tu spread nahoboli nemite. Aro be Trump koishe ke United States tu bahar para protective equipment anikena julai ase.
Trump para Italian Prime Minister Giuseppe Conte logot koishe ke United States khan para Italy ke $100 million laga medical supplies teboli koishe.
Ford Motor Co aro General Electric’s healthcare khan para kuwa tu 50,000 ventilators tu 100 days te olai thebo. Etu nemite Trump para tanaibad teshe.
Trump he kuwa tu General Motors aro dusora US-based companies para ventilators bonabo. “ ami khan laga saman tu, Italy, France, Spain aro alak desh khan ke be baratak bothaboli ase”.
Add Comment