BEIJING: Saturday te China laga corruption watchdog koishe jua saal tai khan toh 80 opor officials kun vaccine scandle te meli kena thakishe, tai khan ke discipline kurishe koishe. Etu scandal nimite nijor jaga te bana drugs (dawai) laga safety opor te manu khan bhoi hoishe.
Rabbies vaccines bana laga major Chinese manaufacturer “Changchun Changsheng Biotechnology” ke October te $1.3 billion laga fine loishe. Etu fine toh tai khan ke nakli records khan bana nimite loishe.
Saturday te Central Commission for Discipline Inspection statement te koishe China Food and Drug Administration (CFDA) laga charta officials,etu te former deputy director Wu Zhen ke prosecutors khan logote surrender kuribole dishe.
State-run news agency Xinhua para Wu opor te inzam lagai kena thaka toh detail kuribole dishe. Etu details te nepotism aro rishwat huwa laga charges bhi ase. Tai ke Communist Party para bhi olai dishe.
Central Commission for Discipline Inspection para aro koishe ke tai khan toh details khan eku nadi kena multiple government organisations laga aro dusra 80 provincial local officials khan opor te seriously deal kuribo koishe.
Tai khan koishe etu officials khan ke already kaam para olai dishe nohoile bhi tai khan laga current designations para hatai dishe.
Olop samay agote authorities koishe etu biya rabies vaccines toh market te enter kura nai. Hoile bhi etu case nimite customers khan toh saman khan laga safety scandle, etu bhi drug sector te huwa nimite manu khan ahchi (fedup) lagishe.
Drug company laga chairwoman aro 14 employees khan ke police para arrests kurishe. Etu scandle toh jua saal July te janibole parishe. Etu chari kena dozen national, provincial aro local officials toh kaam para hatai dishe.
Add Comment