Agencies:Duita British laga special forces soldiers toh missile laga hamla para bishi biya para jokom hoishe. Etu attack toh Islamic State (IS) para Syria te kurishe.
Etu ghatna toh Saturday te hoishe. Soldiers khan toh US forces khan para medical treatment nimite airlift kurishe.
Rudaw, Kurdish news provider khobor kurishe ekta Kurdish fighter bhi etu ghatna te murishe.
Social media te khobor pa hesab te British soldiers khan Syrian Democratic Forces (SDF) base opor te hamla kora te jokom hoishe. Etu hamla toh Deir al-Zour town te hoishe.
SDF official para Rudaw ke koishe ISIS para smart missile hamla kora nimite YPG [Kurdish militia] ekta murishe aro dusra toh jokom hoishe. Etu te aro duita British soldiers khan bhi jokom hoishe.
British special forces khan toh SDF forces khan ke IS militants ke Souseh aro Baghous para ulabole modot kuri thakishe. Etu jaga khan toh eastern Euphrates region te IS para chola last pocket thaka bisas kuri ase.
Britain toh US para chola coalition laga hissa ase. Etu coalition te France, Turkey, Jordan aro Saudi Arabia ase. Etu desh khan toh Syria te thaka Islamic State against te airstrikes kuri thake.
Add Comment