China te Restaurant kerikena 29 jun morishe

Beijing: August 30, 2020. Northern China te Restaurant kerikena manuh mora toh 29 hoishe koikena Sunday din te state media para janai thishe aro konuba jenta thaka maunh sai ase. Xiangfen county laga Shanxi province te tuita(2) storey building toh Saturday pujur te kerishe, etu samay 80^th jonom saal mani thakishe, official news agency Xinhua para koishe. Juxian restaurant te toh sob melaikena 57 manuh ke uthaishe aro manuh besi jokom hoikena ase. Etu pithor te 7 jun manuh serious para jokom ase, hoilebi, Xinhua para koishe ke, jokom manuh khan toh jaan jaboli neshina nahoi. State broadcaster CGTN para koishe, Sunday pujur dak te manuh khan ke utha toh kotom hoishe. Building toh keneka kerishe koboli napareh, central government laga State Councils para koishe ke, investigation toh provincial authorities para sai ase koishe. CGTN website para video thika toh ghor roof aro chaka te saman toh machine para othai thakishe. CGTN para koishe ke, etu rescue operation te 700 manuh para kam kori ase. China te building kera toh notun kotha nahoi, desh te manuh besi hoija nemite building bona manuh khan para corners toh kati thaki aro tai khan para safety kam toh najolai koishe. March moina te, southern China laga  Quanzhou city te hotel ekta kerikena 29 manuh morishe aro 42 jun jokom paishe. Etu samay, official investigation khan para koishe ke, original chata(4) story ghor bonaboli te tai khan para aro besi tinta(3) othai thishe koikena state broadcaster CCTV para janai thishe.