Islamabad: August 30, 2020. Pakistan Prime Minister Imran Khan para koishe ke, tai laga government para fesla hoikena educational institutions sob toh September 15 darik para aro koliboli koishe. Pas(5) moina neshina bondh kora beche, provinces khan ke etu nemite ke kam ase koriboli koishe. “provincial governments aro educational institutions laga administration khan final fesla Sept 7 meeting te koribo aro September 15 darik para toh schools sob aro kolibo”Friday din te National Coordination Committee (NCC) on Covid-19 nemite meeting samay P.M. Imran Khna para kowah Dawn news janai thishe. Meeting samay, roadmap aro academic kam koribli aro Covid-19 situation saboli aro educational institutions nemite hoshar kam koriboli kotha koishe. Educational institutions para tai khan laga staff ke September 15 ake te matikena administrative operations soruh hoboli koishe. Academic institutions khan para schools aro osor chaka toh sapa koribo aro tai khan laga staffs logot authorities para SOPs thikena thaka toh hekaboli koishe.
Add Comment