Agencies, 24 April: Taiwan toh dushman laga air based te hamla koribole nemite notm advanced missiles aro drones bonai ase. Etu khobor toh tai khan laga military-owned National Chung-Shan Institute of Science and Technology hisab te ase.
Desh laga defence ministry para double Taiwan’s annual missile production capacity nemite plan kori ase koise.
Taipei-based National Policy Foundation te ekta researcher, Chieh Chung para Reuters ke, etu para desh laga army capacity te besi boost koribo pari koise.
Political analysts para China para Taiwan te hamla koribole Russia para Ukraine te hamla kora laga opai/opportunity jolabole predict/bhabona korise.
Beijing para Taiwan toh ”one-China” policy under te desh laga inalienable part ase koise aro judi hamla hoile force para seized koribo koise.
Poila Chinese Defence Minister Wei Fenghe para judi Taiwan issue te thek para handled koribole naparile Sino-US relations te beya howa hobo koise.
China toh US logote ekta healthy aro stable major-country relationship bonabole monn ase aro tai khan laga national interests aro dignity te be bachabole ase koise.
Tai para be Beijing demand toh United States para sea te military provocations rokhabole aro Ukrainian issue toh China te discredit, frame, threaten aro pressure nemite najolabole koise.
Jowa saal Taiwan’s President Tsai-ing Wen para extra $8.20 billion toh military te phelabole janaideya thakise kelay koile Taipei’s air defence identification zone te China laga planes kusha othi thaka nemite.
Etu toh on anti-ship weapons – mass-produced homegrown missiles aro ”high-performance” ships nesana nemite jolabole ase.
Taiwan te “asymmetric warfare” laga champion koi kena Tsai para desh laga military te modernise kora toh ekta top priority ase koise.
Add Comment