Chozuba te Organic Farmers kan ke Train kuridese

DIMAPUR, NOVEMBER 20 : Mission Organic Value Chain Development, North Eastern Region (MOVCD-NER) nemite, Phase-II Programme laga bitorte Department of Agriculture, SDAO Chozuba, Phek District  kan Training Programmes koi kena Organic Farmers nemite manaise. Etubi November 6 pora 7 dak nemite. Aro etu Training Programme mana toh Chozuba bosti aro Sekruzu RD Training Hall te mana laga ase koise.Etu din te  Keynote Address janaidiya time te Thepusa Nakro, SDAO Chozuba pora etu Organic Farmers, Organic Farming laga motub, Organice Farming kan ki kuribole ase aro ki nakuribo (Do’s aro Don’ts) aro Organic Farming nemite Project kan ulabole laga aro manabole laga bhal kotha kan janaise koise.EAC Sekruzu pora toh Nagaland state te Organic Farming nemite bhal (Important/Scope) aro ahebole time te kinika bhal pora ahkete luijabole kuribo etu kan Organic Farmers kan ke bhal kotha pora mon dangor kura janaide thakise. Aro etu din te Resource Person nemite toh Mhalevilie Throrie, AI, Chozuba aro Manjai Phom, Agriculture Demonstrator, Spice Board of India 2 jun thakise koise.