NSUD kan Nagas’ Meet 2018 manaise

NEW DELHI, NOVEMBER 20 : Naga Students Union Delhi (NSUD) kan 55^th Nagas’ Meet toh Jawaharlal Nehru Stadium, New Delhi te manaise. Etu ke theme toh (Reminiscing the Glorious Pasy, Celebrating the present and hope for the future” koi kena thakise koise. Aro etu din laga Chief Invitee nemite Nagaland PWD Minister Tongpang Ozukum thakise; Guest of Honour nemite Sapu Bhattacharyya, Managing Director, NEC Energy Private Limited laga thakise aro Chief Patron nemite K. James VR (Rtd), MFS, Managing Director, NEREFS Ltd., NERHOFIC Ltd., NESEE aro Gawang Hakhun, president Naga Students Federation, Arunachal Pradesh 2 jun thakise koise. Etu din te Nagaland aro Manipur states 2 ta laga Naga Tribes kan sob ahe kena thakise. Etu ke 5000 jun oporte thakise. Aro etu din laga Sam phale Function mana time te Lenti Lyne Rozhemai pora ahkete luijai kena 7 Line Creation kan aro Mai Collections kan Safdarjung Enclave, New Delhi laga pora 2 ta Fashion Showcase dekhaidese koise. Aro etu Fashion Show dekhabole kura laga asul babuna toh Nagas laga Rich Culture toh ahkete anedebole karne ase. Aro etu Show dekhabole kura toh Miss India Nagaland 2017 – Kaheli Chopy pora suru kuride kena dekhaise. Etu bejete Mao Collection Show kan pora Modern Winter Collection kobi Naga Tradition Jewellery hisabte dekhaide kena thakise koise. Aro etu Show ke sobse bhal wala toh Kenny Awomi koi kena India Fashion Week te bi Show dekhai kena thaka maiki thakise koise.7 Line Creation pora toh Modern Naga Fusion laga kabara lakai kena etu Show dekhaide kena thakise. Etu ke sobse bhal wala show toh Wijaidin Pamai thakise koise. Etubi North East Models kan majutte ekta bhal wala nemite thaka aro Delhi Fashion Club te bi ekta Model nemite thaka maiki pora. Aro etu Show toh Harshit Dhingaun, Delhi Fashion Club laga pora Choreograph aro Direct kura laga ase koise.