London, 7 July : Christopher Nolan laga The Odyssey global press tour Monday din London te grand world premiere logot shuru hoisey. Film laga cast aru crew etiya Mumbai, Shanghai, New York aru Paris nisina jagah khan te aro choyta premieres aru press events karone jabo.
Itu karone age pora bishi anticipation thaka film laga hype aro barhi jaise.
Homer laga epic story upor te The Odyssey tu Christopher Nolan laga etiya takor sob pora ambitious film ase. Reports hisab te, film laga budget lagbhag $250 million ase.
Long Range Forecast hisab te, film tu North America te 17 July release hua time te $100 million pora $120 million majot opening koribo kuina tracking cholise.
Normally, Nolan laga films North America pora overseas markets te aro bhal business kore. Tai laga last film Oppenheimer domestic market te $80.5 million opening paisey, kintu overseas markets pora $93.7 million hasil korisey. Itu time te film tu Barbie logot competition te thakise.
Trade experts laga hisab te, The Odyssey fantasy action film hoi thaka karone global audience majot aro bhal appeal thakibo pare.
Trade insiders para predict kori ase ki film tu overseas markets te $120 million pora $150 million majot opening koribo pare. Itu hisab te worldwide opening $220 million pora beshi hobo pare.
Aro optimistic projections hisab te, film tu opening weekend tei $250 million mark bhi cross koribo pare.
London world premiere te film tu saj thaka critics khan majot bishi positive reactions ahise. Bishi manu para etu-ke “summer laga sob pora dangor film event” kuina koise.
Etia tak, itu saal laga sob pora dangor Hollywood opening tu Michael laga naam te ase. Michael Jackson biopic tu worldwide $218 million opening paisey, itu majot $97 million North America pora ahise.
Projections hisab te, The Odyssey para itu figure ke cross koribo pare. Film tu itu saal laga anibela live-action films khan, including blockbuster Project Hail Mary, laga opening numbers bhi harai dibo kuina mana jai. Project Hail Mary para worldwide $140.9 million opening paisey.
Kintu animated film Super Mario Galaxy Movie laga record harabo difficult hobo. Film tu itu saal age te worldwide $372 million opening paisey.
Itu Logote, Toy Story 5 aru Spider-Man: Brand New Day bhi release hua pichete $400 million pora beshi opening hasil koribo kuina projections ase.
The Odyssey te Matt Damon para Odysseus laga role play kori ase. Film te Robert Pattinson, Anne Hathaway, Tom Holland, Zendaya aru aro bishi actors bhi ase.
Film tu London te world premiere paisey aru kunba din pichete Paris te aro ekta premiere hobo. Itu pichete 11 July te Mumbai te premiere hobo.
The Odyssey officially 17 July te theatres te release hobo.
