Kochi, 7 July : Actors Revathy Asha Kelunni aru Padmapriya Janakiraman para Association of Malayalam Movie Artists (AMMA) laga primary membership pora resign korisey. Tai duijon Instagram te ekta joint post share kori etu decision announce korisey.
Tai duijon koise ki etu decision khali ekta incident karone kora nohoi. Bishi saal pora organisation bhitor change anibole try koria pichete etu step loi ase.
Joint statement te tai duijon koise ki, “Etu AMMA laga ongoing controversy laga aro ekta chapter nisina sabo pare. Kintu etu nohoi. Ami laga resignation tu hasty decision nohoi aru khali ekta incident logot related bhi nohoi.”
Tai duijon koise ki lagbhag ek decade pora tai khan workplace safety, dignity, accountability aru equal treatment khujhi ahi ase. Tai khan laga hisab te, etu sob minimum kotha ase kunba member deserve kore.
Nijor experience laga kotha pati thaka time te, tai duijone koise ki etu demands uthai thakar dam tu silence aru distance ase. Colleagues, friends aru age ghar nisina laga spaces pora bhi tai khan alag laga experience paisey.
Kintu, tai khan etiya tak thaki thakise karon tai khan change ahibo kuina asha rakhi thakise.
Tai duijon aro koise ki Hema Committee Report pichete hua resignations khan principle karone nohoi, accountability pora palai jabo laga ekta rasta ase. Public attention komi jaa pichete, age laga system phiri ahi jaise kuina tai khan comment korisey.
Revathy para post laga caption te koise ki, “Aji ami AMMA laga primary membership pora resign kori ase. Kunba rag pora nohoi aru hasty decision bhi nohoi. Ami duijon milaikena etu industry-te bishi saal kam kori ase aru etu industry laga future karone care kori ase.”
Tai aro koise ki workplace safety, dignity, accountability aru equal treatment khali tai khan laga simple demand ase, kintu itu bodole silence paisey aru organisation etiya laga form te change hobole ready nohoi kuina bujhi paisey.
Tai koise ki Malayalam cinema sob somoi tai khan laga thakibo aru membership thaka nathaka pora etu bodoli najabo.
Revathy aru Padmapriya age pora Women in Cinema Collective (WCC) laga members majot ase. Tai duijon age bhi AMMA laga leadership ke criticize kori thakise, especially film industry te women laga safety issues aru 2017 actor sexual assault case handle kora.
