October 14, 2024, 05:39 PM : Itu duniya khan sobo logotey hey, Department of Social Welfare and District Sanklap Hub for Empowerment of Women para, BBBP under tey itu International Day of Girl Child 2024 organise kurishey, DC laga Conference Hall tey para, Wokha laga, 11th October, 2024 tey.
Wokha laga EAC – Rosy Sangtam para tai laga key note address kuri thaka homoi tey koishey ki, itu din toh hoiley celebrate kuria toh hoiley awareness raise kuriboley karney asey, chukri bacha khan challenges khan face kuria laga aru tai khan laga empowerment bhi promote kuriboley karney asey.
Tai para state kurishey ki, itu din toh hoiley observe kuria toh support kuriboley aru aru-bhi bishi opportunity khan diboley karney asey, chukri khan nimitey, aru gender inequality face kuria laga awareness toh baraboley, gender laga based tey, kotey tai para sob man uke urge kurishey, chukri bacha ke promote kuriboley educate kuriboley karney.
Itu occasion laga homoi tey, 8 local champion khan Beti Bachao Beti Padhao (BBBP) laga, Mission Shakti 2024 under tey, identify kurishey, aru felicitate kurishey, alag alag department khan aru NGO khan para.
Online photo competition laga winner khan, kuntu toh hoiley duita category khan tey para loishey, baba, chukri, grandfather aru granddaughter category khan toh hoiley present kurishey, itu programme laga homoi tey.
Add Comment