February 29, 2024: Aha 18th Lok Sabha Election, 2024 laka view deh, Sector Officers aro Sector Commanders karne ekta coordination meeting cum EVM Demonstration lui shae 29th February 2024, DC Conference Hall, Chumoukedima deh.
AERO & ADC, Chumoukedima, Dr. Kuzonyi Wideo and ADC, Medziphema, James Swu para Sector Officers aro Sector Commanders laka responsibilities aro rules kan highlight kuri shae. Taikan para officers kan keh ekjun ekjun lokot deh coordinate kuri b kui nah janai di shae aro taikan laka respective polling station physically visit kuri b kui nah direct kuri shae. Etu kuri nah voting process tho aram she jabo leh facilities kan sob ase nah nai sabo kui shae. Etu laka upor deh EVM kan handle kuri bole well equipped taki b kui shae taikan keh.
Election lokot relate taka training kan b skip nakuri b kui shae officers kan keh, PwDs aro senior citizen karne friendly infrastructure accessibility ensure kuri b kui shae aro taikan karne polling station deh alak entry aro exit plan kuri b kui shae. Taikan para officers kan keh infrastructure issues nahoileh alak eku election related issues taki leh March 5nahua time deh report ekta submit kuri b kui shae.
Meeting para election activities, management plans, route mapping, vulnerability mapping etc. laka topics deh b kotha kuri shae. SDO(C) Chumben Murry para EVM set aro sob unit laka functioning kan demonstrate kuri shae. Tai para Officers kan kun hands on demonstration deh interest ase, taikan kushi din deh ahi bole pareh kui shae .
(Tovikali, IA, Chumoukedima)
Add Comment