February 29, 2024: Motion of Thanks to the Governor’s Address deh kotha kura time deh, Z. Nyusietho Nuthe, Adviser para Department of School Education kan keh appreciate kuri shae underprivileged jaka deh teachers kan aro deploy kuri bole urge kura karne aro educational professional development aro kara kuri dia karne. Tai power sector development, state government laka CMMFI aro Agriculture Department laka growth aro development b appreciate kuri shae, state deh organic farming promote kura karne. Tai para state government keh b congratulate kuri shae Nagaland Municipal Bill 2023 pass kura karne aro Motion of Thanks keh taila support di shae.
Motion of Thanks to the Governor’s Address deh participate kura time deh MLA, Er Picto Shohe para house laka members kan keh Naga Political Issue earnest para pursue kuri b kui shae, etu tho taikan laka responsibility taka karne. Tai para government laka decision b appreciate kuri shae teetha Diploma Colleges upgrade kuri bole. Sports & Games deh, tai sports deh Naga manu kan laka enthusiasm laka kotha kuri shae aro Nagaland para medal jita manu kan keh congratulate kuri shae.
Shohe para Roads aro Airways laka importance deh b emphasize kuri shae kile koile manu kan laka economic activities tho enaka connectivity deh dependent ase.
Advisor, Printing & Stationary, Prisons, Er Kropol Vitsu para Nagaland laka manu keh thanks di shae itia laka government keh biswas kura karne. Etu government tho sob fronts deh positive development ahnae, particularly sports, tourism aro GST laka jaka deh, tai kui shae.
MLA, Jwenga Seb para Governor laka address tho “People Centric” ase kui shae. Tai para government keh basic amenities laka mamla deh sabi kui shae particularly Tseminyu aro Wokha laka district deh.
Advisor Treasuries and Accounts, Art and Culture, K Konngam Konyak para detail deh Free Movement Regime laka history aro record kan highlight kuri shae. Aro Free Movement Regime laka mamla deh Nagaland laka Government keh Government of India lokot diplomatically negotiate kuri b kui shae Naga manu laka needs papi nah kun kan Indo Myanmar border deh bui ase.
MLA, Achumbemo Kikon para Government keh Naga contiguous area laka integration karne ekta resolution adopt kuri b kui shae. Tai para Naga sportspersons laka achievements b commend kuri shae aro sports quota para government offices kan deh employment di b kui shae Naga youths kan keh sports lubo di bole karne. Kikon para State laka border jaka kan deh development ani bole lakeh kui shae aro border jaka deh taka manu kan karne adequate security dibo lakeh kui shae.
MLA, A Nyamnyei Konyak para State laka Agri aro allied sectors develop kuri bo karne scientific technology aro knowledge chubo lakeh kui shae. Tai para soil and water conservation, horticulture, veterinary aro animal husbandry, etc nishi nah departments kan state laka farmers lokot deh actively kam kuri bo lakeh kui shae aro alak alak farming techniques kan keh ase, etu taikan keh hika bole lakeh kui shae. Tai para aro government kan ekta market provide kuri bole kam kuri bo lakeh kui shae kuteh farmers kan asani seh taikan laka products bika bole pari bo. State laka youths majo deh drug addiction aro alcoholism laka issue b address kuri shae tai para. Kohima laka traffic congestion b highlight kuri shae tai para aro tai laka colleagues keh ekta solution bisari b kui shae.
MLA Küzholüzo Nienü, government para kura achievements kan keh appreciate kuri shae. Tai para government keh funds laka distribution deh aro rational taki b kui shae, 23 MLAs keh b due share dibo lakeh kui nah.
Tai para Naga manu kan keh united taki b kui shae Naga political issue karne aro Nagas brotherhood aro sufferings laka origin tho yat kuri b kui shae. Tai para aro Free Movement Regime (FMR) laka withdrawal tho Nagas karne acceptable nahoi kui shae.
Chief Minister Neiphiu Rio para concluding remarks kan deliver kuri shae Motion of Thanks to the Governor’s Address laka adoption initiate kura time deh, kuto February 26 2024 deh present kuri shae.
Chief Minister Rio para sob manu keh taila gratitude express kuri shae. Tai para speakers aro listeners laka contribution tuita b recognized kuri shae constructive dialogue deh.
Nagaland deh urgent need of peace th address kura time deh, Rio para assembly laka consistent efforts kan highlight kuri shae mamla deh peaceful conclusion karne kotha kureh kui nah. 14th Nagaland Legislative Assembly laka tenure deh collective efforts kan tho positive outcomes ani bo kui nah hope express kuri shae.
Rio para Free Movement Regime laka recent suspension deh concern taka b address kuri shae. Tai para assembly keh proactive measures lui ase kui nah assure kuri shae, Central government lokot deh dialogue kuri ase kui nah.
Conclusion deh Chief Minister Rio para House keh Motion of Thanks to the Governor’s Address tho unanimously adopt kuri b kui shae, members laka contribution kan acknowledge kuri nah key issues kan address kuri bole.
(Atuzo, Asst. Dir, Nongozo, Asst. Dir, Kaholi APRO, Pilamo APRO, Akummeren Jamir IA, Shahoto IA, Morotsung IA, Khongle IA )
Add Comment