July 18, 2026: Itu Chumoukedima laga Deputy Commissioner – Polan John, NCS para inform kurishey ki, itu Gahuri khan laga transportation, gahuri kata aru gahuri bikawa restrict kuri kena thaka Toulazouma aru osor laga bosti khan tey, itu ban toh hoiley African Swine Fever (ASF) outbreak hoa laga jana pichetey impose kuria laga thakishey, kuntu toh hoiley itya hatai dishey, phat para effect loi kena. Itu order toh hoiley, itu Chief Veterinary Officer, Chümoukedima laga Office para recommendation kuria pichetey issue kuria laga thakishey, kuntu para toh hoiley aru ASF ghatna khan toh nathaka hoishey itya koi kena, nahoiley gahuri khan bimar hoi kena namura hoishey koi kena, itu declare kuria kena thaka containment zone tey aru certified area tey, itu bimar thaka toh itya aru-nathaka hoishey koi kena janaishey. Itu order toh hoiley aru bhi state kurishey ki, itu Veterinary Department toh hoiley continue strict survey kuri thakiboley asey aru routine monitor kuri thakiboley asey, itu bimar laga related tey. Judi kiba eneka nishina bimar khan toh hoa janiboley parishey koiley, phat para report kuriboley janaishey, itu District Administration ke, lagi thaka action loboley karney. Sob concerned department khan, Bosti Council khan aru itu public khan ke request kurishey, itu order toh yaad tey rakhiboley koishey aru itu laga compliance toh ensure kuriboley koishey.
Chumoukedima Tey ASF Nimitey Restriction Dhali Kena Rakha Toh Hatai Dishey
