July 19, 2026: Itu Nagaland laga Government para mon dukh thaka laga express kurishey, itu Mon Town tey
landslide laga ghatna hoa opor tey, 19 th July, 2026, 06:30 AM nishina tey, kuntu para manu khan bhi murishey, aru itu
landslide khan hoa para property aru infrastructure khan tey bishi damage hoishey.
Itu Government para tai khan laga condolence janaishey, itu loss hoa parivar khan ke aru itu muria manu khan laga soul
nimitey shanti hoboley parathan kurishey. Tai khan para jokhom hoa parivar khan ke bhi juldi para recover hoboley
wish kurishey.
Itu State Government para itu evolve hoi thaka situation ke bhal para monitor kurishey, itu chuli thaka bishi biya
weather event khan para, kuntu hoa para bishi jaga khan tey affect kuri asey, itu State tey. Mon District laga saat-saat
Mokokchung District laga Tuli Sub-Division aru alag area khan bhi affect hoi kena asey, kuntu para bishi biya para
impact khan hoishey, landslide khan, flash flood khan, raasta blocakage aru public infrastructure khan aru private
property khan damage hoishey.
Itu Nagaland State Disaster Management Authority (NSDMA), District Disaster Management Authorities (DDMAs),
District Administrations, State Disaster Response Force (SDRF), Nagaland Police aru alag line department khan narukhi
kena kaam kuri asey, itu ground tey, search aru rescue operation khan undertake kuriboiley, komjur thaka manu khan ke
evacuate kuriboley, essential service khan restore kuiboley aru juldi para relief khan provide kuriboley, itu affect hoi
kena thaka population khan ke.
