AIZAWL | December 21, 2018:Rule kuri thaka Mizo National Front (MNF) government para modu bon kuribole move loishe. Etu kotha te Mizoram laga non-governmental organisations (NGOs) aro church khan government laga etu move toh welcome kurishe. Tai khan etiya melai kena total prohibition kaam suru kurishe.
Monday te Chief Minister Zoramthanga tai laga party poll promise rakhi kena Christmas samay te modu total bon kuribole announce kurishe. Etu toh December 21 para January 14, 2019 tok hubo.
Teenta State para chola corporations logote Mizoram Police battalions laga modu bika laga license cancel kurishe.
Etu move toh Lal Thanhawla laga Congress government para total prohibition jaga te controlled prohibition Mizoram Liquor (Prohibition and Control) Act of 2014 para replace kurishe. Etu replacement toh modu dukan khulibole allow kuribo karne ase. Etu prohibition move Lal Thanhawla laga Congress government rule kora char saal pichete ahishe.
Vanlalruata, Central Young Mizo Association laga president koishe Mizo society toh modu aro drug para bishi affect hoishe.
Rev F. Lalrinnunga Mizoram Kohhran Hruaitute Committee laga president koishe sob government para chola modu dhukan khan bon kuribo laga decision toh right step ase. Etu committee toh state laga 14 major churches laga coordination body ase.
Church aro NGOs bhi etu Liquor Prohibition Coordination Committee suru kora nimite khusi pa janaishe. Etu committee toh modu laga sob illegal supplies check kuribo karne ase. Etu committee para stae te bahar para modu supply aha aro private dukan khan ke illegally bika rukhabo nimite ase.
Committee toh Excise aro Narcotics Minister K. Beichhua para cholai loi jai ase. Tai logote dusra senior government officers aro church leaders aro NGOs bhi support kuri jai ase.
Committee laga recommendations para Mizoram ke poila laga prohibition din te ghurabole kosis kuribo.
Add Comment