IMPHAL |December 21, 2018 (IANS):Friday te Manipur Chief Minister N. Biren State Assembly ke inform kurishe ke Manipur aro Nagaland border disputes hodai nimite solution anibole kotha kuribo ase. Border disputes te duita states laga Dzukou Valley aro Tungjoy bosti affect hoi thake.
Manipur Chief Minister para Congress MLA K. Meghachandra para huda kotha opor te jawab dishe. Congress MLA K. Meghachandra para aata Manipuri trekkers jua moina arrest huwa kotha hudishe etu samay te Manipur CM para jawab dishe.
Biren koishe duita states laga representatives agreement sign kora hesab te Dzukou Valley toh Nagaland laga property nohoi. Dzukou laga two-thirds valley toh Manipur te ase aro Nagaland te Dzukou valley toh one-third ase.
Biren koishe Manipur laga Mao Senapati district laga rasta bana toh wapas suru kuribo ase. Etu logote ekta tourist lodge bhi banabo koishe. Nagaland para tai laga side te necessary constructions khan kurishe.
Sangai festival samay te , Manipur laga 15 trekkers Dzukou Valley te jaishe. Wildfire para tai khan kea at jon ke Nagaland side te jabo dishe. Tai khan ke Nagaland police para dhurishe aro jail te dishe.
Bishi sections para biya pa janaishe. Kile koile Nagaland Inner Line permit Manipuris khan nimite applicable ase.
Agreement sign kora pichete trekkers khan ke wapas Manipur te jabo dishe.
Etu border disputs issue toh he first nohoi duita states majote. Poila bhi border disputes nimite duita states majote bishi jhamela olaishe. Aro etu issues khan toh etiya bhi resolve huwa nai.
Add Comment